बालबच्चाको शिक्षा तथा विवाह सावधिक जीवन बीमा

अभिभावक वा संरक्षकले आफ्नो बालबच्चाको विवाह वा शिक्षाको निमित्त तोकिएको अवधिमा एकमुष्ट रकम पाउने गरी गरिने बीमालाई बाल-बच्चाको विवाह तथा शिक्षा सावधिक जीवन बीमा भनिन्छ । यो बीमा अभिभावक वा संरक्षकले जुन बालबालिकाको हितमा बचत गर्न खोजेको हो सो बालबालिका इच्छाइएको व्यक्तिमा लेखाई आफ्नो जीवन बीमा गराउनु पर्दछ र अन्य जीवन बीमा योजनाको जस्तै तोकिएको समय समयमा बीमाशुल्क तिर्दै जानु पर्दछ । निर्धारित अवधि अगावै बीमितको मृत्यु भएमा बीमाशुल्क तिर्नुपर्दैन । तर बीमालेखमा लेखिएको बीमांक र बोनसको भुक्तानी निर्धारित गरिएको अवधि समाप्त भएपछि मात्र गरिन्छ।यदि जुन बच्चाको नाममा बीमा गरिएको छ उसको बीमा समाप्त हुनु अगावै मृत्यु भएमा उसको नाममा रहेको बीमा अर्को बालबच्चाको नाममा नामसारी गर्ने वा समर्पण मूल्य लिने वा बीमा संचालन गरिरहने हक अभिभावक वा संरक्षकमा हुन्छ । यस बीमा योजनामा तुलनात्मक रुपमा सावधिक जीवन बीमामा भन्दा कम बीमाशुल्क लाग्छ । यस योजनामा पनि सबै अवधिका लागि वार्षिक बोनस दर प्रतिहजार रु.६५।÷प्रदान गरिदैँ आएको छ ।